Experalta PRO Anti-Acne Solutions - დღის ფლუიდი კანის ნაკლოვანებების წინააღმდეგ, 50 მლ

• ძირითადი პრობლემების პროფილაქტიკა
  ხელს უშლის ფორებისა და ფოლიკულების დაცობასა და ბაქტერიულ დაზიანებას, რაც ამცირებს ახალი ანთებითი ელემენტების წარმოქმნის რისკს.
• ცხიმოვანი ჯირკვლების მუშაობის ბალანსი
  ამცირებს სებუმის გამომუშავებას და აუმჯობესებს მის ხარისხს.
• ანთებებისა და მათი შედეგების შემცირება
  ხელს უშლის ანთებითი პროცესების განვითარებასა და პოსტანთებითი ჰიპერპიგმენტაციის წარმოქმნას.
• აღდგენა და დაცვა
  ნაზად ასტიმულირებს უჯრედულ განახლებას და აღადგენს დამცავ ბარიერს, ამავდროულად ამშვიდებს კანს, ამცირებს სიწითლესა და მის რეაქტიულობას.

სუფთა კანი რეციდივების გარეშე!
ბიომიმეტური თერაპია მოქმედებაში
აკნე – ქრონიკული ანთებითი პროცესია, რომელსაც ჩვენი პლანეტის ყოველი მეათე მცხოვრები აწყდება, ხოლო გავრცელების მიხედვით ეს დაავადება მსოფლიოში მე-8 ადგილს იკავებს. ბევრი შეცდომით ფიქრობს, რომ აკნესთან გამკლავება მხოლოდ ძლიერ «ქიმიას» შეუძლია: რეტინოიდებს, მჟავებსა და ანტიბიოტიკებს. თუმცა, აკნეზე ნამდვილი გამარჯვება იწყება არა აგრესიით, არამედ ბალანსის სათუთი აღდგენით.
Experalta PRO Anti-Acne Solutions  – მოვლის ახალი, სრულფასოვანი პროგრამაა მათთვის, ვინც დაიღალა დროებითი შედეგებით და ეძებს ღრმა, მიკრობიომზე ორიენტირებულ თერაპიას აკნესკენ მიდრეკილი კანისთვის, რომელსაც ახასიათებს სებუმის ჰიპერპროდუქცია, მრავლობითი კომედონები, გაფართოებული ფორები და ანთებითი პროცესები.
Experalta PRO Anti-Acne Solutions / Experalta® ПРО-ს პროდუქცია. ანტი-აკნე გადაწყვეტილებები ბაზირდება მიკრობიომული დერმატოლოგიისა და ბიომიმეტიკის პრინციპებზე. ეს უკანასკნელი გვაძლევს შესაძლებლობას, კანთან მის მშობლიურ ენაზე – ბუნების ენაზე ვისაუბროთ, ჰომეოსტაზის შესანარჩუნებლად მისთვის ნაცნობი და გასაგები მექანიზმების გამოყენებით.

სერიის პროდუქტების საფუძველია – ინოვაციური ფორმულა აქტიური კომპლექსით Quora Noni™, რომლის ამოცანაც – თქვენი კანის მიკრობიომის გადატვირთვაა, ეს კი პირველი და ყველაზე მნიშვნელოვანი ნაბიჯია აკნეს დროს მდგომარეობის გრძელვადიანი გაუმჯობესების გზაზე.
დღის ფლუიდი კანის ნაკლოვანებების წინააღმდეგ – მნიშვნელოვანი ეტაპია აკნესა და ანთებებისკენ მიდრეკილი კანის მოვლაში. ეს თქვენი უხილავი აბჯარია: ის წყვეტს ანთებით ციკლს, თავიდან არიდებს ახალ გამონაყარს და იცავს კანს გარე აგრესიული ფაქტორებისგან

ფლუიდი ერთდროულად სამი მიმართულებით მუშაობს
      1. მიკრობიომის აღდგენა
აქტივი: Quora Noni™.
უნიკალური ანტიკვორომონები არღვევენ C. acnes ბაქტერიების კომუნიკაციას, რაც იწვევს მათი იმ უნარის დაკარგვას, რომელიც კოორდინაციას უწევს შეტევასა და ანთების დაწყებას, ხოლო მათი ვირულენტობა მცირდება.
შედეგი: სტაბილური მიკრობიომი, ნაკლები კომედონი, აკნეს ნაკლები აფეთქება.
      2. ანთების ჩახშობა და ცხიმის სეკრეციის ნორმალიზება
აქტივები: U-ferment SVB (B ჯგუფის ვიტამინები), ორგანული გოგირდი MSM, მაგნოლიის ექსტრაქტი.
B ჯგუფის ბიოფერმენტირებული ვიტამინები 93%-ით თრგუნავენ ანთების გამომწვევი ტოქსინის გამომუშავებას. MSM (მეთილსულფონილმეთანი) არეგულირებს ცხიმოვანი ჯირკვლების მუშაობას, ხოლო მაგნოლიის ექსტრაქტი მოქმედებს როგორც ანტიოქსიდანტი და ანთების საწინააღმდეგო აგენტი.
შედეგი: ნაკლები სიწითლე, გამონაყარი, პაპულა, პუსტულა, ნაწიბური, ცხიმოვანი ბზინვარებისა და კანის რეაქტიულობის შემცირება.
      3. ფორების წმენდა და დამცავი ბარიერის ნორმალიზება
აქტივები: ნიაცინამიდი, ტაპიოკას სახამებელი, ფერმენტები, კომპლექსი BiEau® Actif Tri-Mushroom.
ნიაცინამიდი ავიწროებს ფორებს და ათანაბრებს ტექსტურას. ტაპიოკას სახამებელი, ნატურალური სებორეგულატორი და მქრქალი ეფექტის მქონე აგენტი, ისრუტავს ზედმეტ ცხიმს. ფერმენტები დელიკატურად აშრევებენ კანს, ხოლო ჩაგას, აბედა სოკოსა და კორდიცეფსის ექსტრაქტები (BiEau® Actif Tri-Mushroom) აღადგენენ კანის დამცავ ფუნქციებს.
შედეგი: სუფთა ფორები, გლუვი კანი კომედონების გარეშე და თანაბარი ტონი – მხოლოდ ჯანსაღი ბზინვარება და კომფორტის შეგრძნება.

აქტიური ინგრედიენტები, რომლებიც თამაშის წესებს ცვლიან

• ნონის ღეროვანი უჯრედებისგან მიღებული აქტიური კომპლექსი Quora Noni™
  აკნესკენ მიდრეკილი კანის მიკრობიოტის ბალანსის აღსადგენად, ფორებისა და ღია კომედონების ზომის აქტიურად შესამცირებლად, კანის სებუმის კონტროლირებადი შემცირებისა და ანთების ჩასაცხრობად.
  ექსტრემოფილი მცენარე ნონი (ციტრუსფოთლოვანი მორინდა) შეიძლება გაიზარდოს ყველაზე რთულ პირობებში, მათ შორის მარჯნის რიფებსა და ლავის ნადნობებზე. წყნარი ოკეანის რეგიონში ნონი გამოიყენება როგორც უამრავი ტრადიციული წამლის საფუძველი. გავრცელების არეალის თავისებურებებიდან გამომდინარე, მცენარე განიცდის პათოგენური სოკოებისა და მიკროორგანიზმების მუდმივ თავდასხმას. ამ თავდასხმების საპასუხოდ, მცენარე ასინთეზირებს დიდი რაოდენობით განსაკუთრებულ ნივთიერებებს (ანტიქვორუმონებს), რომლებსაც შეუძლიათ ხელი შეუშალონ მიკროორგანიზმების კომუნიკაციას და დაარღვიონ მათი კოლექტიური მოქმედებების კოორდინაცია. ადამიანის კანზე მოხვედრისას, ნონის ანტიქვორუმონები მიკროორგანიზმებს ყრუს ხდიან იმ პათოგენური გამომწვევების შეტყობინებების მიმართ, რომლებიც იწვევენ დისბიოზს და მიკროორგანიზმების მთელ პოპულაციას განაწყობენ აგრესიისკენ მასპინძლის მიმართ. ამასთანავე, საკუთარი მიკრობიომი არ გადაეწყობა, მისი ხარისხი არ უარესდება და, ამავდროულად, მცირდება ვირულენტობა (დაავადების გამოწვევის უნარი).
  ვინაიდან აკნეს განვითარება დიდწილად დაკავშირებულია მიკრობიომის ბალანსის დარღვევასა და დისბიოზთან, ნონის ანტიქვორუმონების უნიკალური უნარი გვეხმარება პრობლემის ძირეულ მიზეზზე ზემოქმედებაში. ისინი ახშობენ ბაქტერიების კომუნიკაციას, მათ შორის საკვანძო C. acnes-ის, და თრგუნავენ მათ უნარს, გამოიწვიონ ანთებითი რეაქცია კანზე.
• MSM (დიმეთილსულფონი)
  ორგანული გოგირდის წყარო. არეგულირებს ცხიმოვანი ჯირკვლების მოქმედებას, ახდენს დამამშვიდებელ ზემოქმედებას, ასტიმულირებს კანის საფარველის მთლიანობის აღდგენის პროცესს. ხელს უშლის ნაწიბურების წარმოქმნას, გამონაყარის, პაპულებისა და პუსტულების განვითარებას, ამცირებს სიწითლეს, გაღიზიანებასა და სხვა დისკომფორტის შეგრძნებებს.
• U-ferment SVB
  ბიოფერმენტაციის გზით მიღებული B ჯგუფის შვიდი ვიტამინის კომპლექსი. ამცირებს კანის რეაქტიულობას, ახდენს ანტიალერგიულ მოქმედებას. მხარს უჭერს ფარული და აშკარა დაზიანებების რეპარაციის (აღდგენის) უჯრედულ მექანიზმს, 93%-ით თრგუნავს ანთების განვითარებაზე პასუხისმგებელი Cutibacterium acnes-ის პორფირინის გამომუშავებას და ამცირებს აკნეს მიმდინარეობის ანთებით კომპონენტს.
• მაგნოლიას ექსტრაქტი
  აქვს გამოხატული მოქმედება გამონაყარის განვითარების ძირითადი მიზეზების წინააღმდეგ. ამცირებს კანის დისკომფორტული მდგომარეობის გამოვლენას (ხსნის სიწითლეს, ანთებას) და წარმოადგენს ძლიერ ანტიოქსიდანტს.
• BiEau® Actif Tri-Mushroom (აბედა სოკოს, ჩაგას, ჩინური კორდიცეფსის ექსტრაქტი)
  კომპლექსი, რომლის მოქმედებაც მიმართულია ანთების შემცირებისა და ანტიოქსიდანტური დაცვისკენ. ათანაბრებს და აჯანსაღებს კანის საერთო ტონს. თრგუნავს ანთებით პროცესებს, ამცირებს ოქსიდაციურ სტრესსა და სიწითლეს, აქვეითებს კანის მგრძნობელობასა და რეაქტიულობას.
• სოიოს რძის, ჭვავის ფქვილისა და ბაცილების ფერმენტები
  ნაზად აცილებენ გარქოვანებულ უჯრედებს კანის დაზიანების გარეშე და თავიდან აცილებენ ფოლიკულების დაცობას.

ბაქტერიების კომუნიკაციის ჰაკერი
ბიომიმეტიკური აქტიური ინგრედიენტის კონცეფცია
ბაქტერიების კომუნიკაციის სისტემა (ვირულენტობა) ეფუძნება მათ უნარს, გაცვალონ სიგნალები განსაკუთრებული მოლეკულების – ქვორუმონების – მეშვეობით და ამგვარად ჩამოაყალიბონ მდგრადი ბიოაპკები. მეცნიერებმა იპოვეს გამოსავალი, თუ როგორ შეუშალონ ხელი ამ სისტემის აგებას მცენარეთა სტრატეგიის გამოყენებით. ევოლუციის პროცესში მცენარეებმა, რომლებიც მუდმივად განიცდიდნენ მიკროორგანიზმების თავდასხმებს, ისწავლეს ბაქტერიების კომუნიკაციის ბლოკირება და ჰაკერული გატეხვა, რითაც თავიდან აიცილეს მათი ორგანიზება ვირულენტურ ბიოაპკებად.
სწორედ ეს ბუნებრივი მექანიზმი იქნა გამოყენებული Quora Noni™-ის შექმნისას. მოცემულ აქტივს იღებენ მცენარე ნონის (Morinda citrifolia) ღეროვანი უჯრედებიდან, რომელიც გაზრდილია კონტროლირებადი სტრესის პირობებში დამცავი მოლეკულების – ანტიქვორუმონების გაძლიერებული გამომუშავებისთვის.
Quora Noni™ მოქმედებს როგორც კომუნიკაციების ჰაკერი: ის 89%*-ით თრგუნავს LUX-S გენის ექსპრესიას C. acnes ბაქტერიებში, რითაც არღვევს ქვორუმონების სინთეზს, და 99%-მდე ახდენს ბიოაპკების წარმოქმნის ინჰიბირებას**. ეს მიდგომა საშუალებას იძლევა განაიარაღოს პათოგენები კანის მიკრობიომის ბალანსის დარღვევის გარეშე. ეს არის ახალი სიტყვა აკნესთან ბრძოლაში ანტიბიოტიკების გამოყენების გარეშე.

ვისთვის?
• ანთებითი აკნეს (პაპულები, პუსტულები, კვანძები) მქონე ადამიანებისთვის, რომლებიც ანტიბაქტერიული საშუალებების გამოყენების მიუხედავად, აწყდებიან «წითელ გამონაყარს», რომელიც დიდი ხნის განმავლობაში არ ქრება. Quora Noni™ არღვევს C. acnes-ის კომუნიკაციას და ამცირებს მათ ვირულენტობას, ნაცვლად მათი განადგურებისა. ეს თავიდან აცილებს რეზისტენტობასა და რეციდივებს.
• ცხიმიანი და კომბინირებული კანის მქონე პირებისთვის, რომლებსაც აწუხებთ გაფართოებული ფორები და კომედონები. MSM არეგულირებს სებუმს, ხოლო ნონის ანტიქვორუმონები თავიდან აცილებენ ფორების დაცობას ბაქტერიების ანთებითი აქტივობის შემცირების ხარჯზე. ფორები არ იცობა – ისინი აღდგება.
• მათთვის, ვინც ერიდება აგრესიულ მოვლას (რეტინოიდები, სალიცილის მჟავა, ბენზოილის პეროქსიდი) და არ ხიბლავს მჟავებისა და რეტინოლებისგან გამოწვეული სიმშრალე, აქერცვლა, სიწითლე თუ გაღიზიანება. კრემი ნაზად, მაგრამ ძლიერად ებრძვის მიზეზს და არა სიმპტომებს. ბარიერის დაზიანების გარეშე.
• მათთვის, ვისაც აწუხებს კანის დისბიოზი, ქრონიკული ანთებები, პოსტაკნე და ვისაც ხშირად აღენიშნება კანის უმიზეზო «გამწვავებები», რის გამოც კანი აღდგენას ვერ ასწრებს. ძირტკბილას ფესვებისგან მიღებული დიკალიუმის გლიცირიზატი, ნიაცინამიდი და ბიოფერმენტირებული ვიტამინები აქრობს სიწითლეს, წვას და აჩქარებს ეპიდერმული ბარიერის აღდგენას.
• მათთვის, ვინც უპირატესობას ანიჭებს ნატურალურ, მეცნიერულად დასაბუთებულ კოსმეტიკურ გადაწყვეტილებებს და ვინც აფასებს ბუნებრივ ექსტრემოფილებზე დაფუძნებულ ბიოტექნოლოგიებს და არა მწვანე მარკეტინგს. Quora Noni™ – იშვიათი, დაპატენტებული, კლინიკურად მნიშვნელოვანი ინგრედიენტი, რომლის ეფექტურობაც ეფუძნება ქვორუმ-სენსინგის რეალურ კვლევებს.
• მათთვის, ვისაც უკვე «ყველაფერი უცდია» და სურს გადავიდეს შემდეგ დონეზე – აკნეს სისტემურ ბიომიმეტიკურ თერაპიაზე მიკრობიომის აღდგენის გზით.

ამ პროდუქტს ცხოველებზე ტესტირება არ გაუვლია.
პარაბენების გარეშე. SLS/SLES–ის გარეშე. ფტალატების გარეშე. გმო-ს გარეშე. მინერალური ზეთის გარეშე.

* Vytrus Biotech-ის მიერ ჩატარებული in vitro კვლევების თანახმად.
** Vytrus Biotech-ის მიერ ჩატარებული in vitro კვლევების თანახმად.